An all de Fründe d’r Kölne Tagespflege!

M’r leeve in herausforderten Zigge un d’r de Auswirkungen dovun, sinn och in d’r KTP
janz deutlich ze spöre. Do d‘ Bereich vun d’r U3 Betreuung jän üvversinn weed, müsse m’r för dat Üvverleeve
unserer, tolle familichähnliche Fläch (Pflege) kämpfe.
He paar Gründe woröm.
– Kölle weed immer unattraktiver för de Familich, Do de Meet drastisch steije bzw jestieje senn, müsse m’r d’r Jödel
jett enger schnalle.
– Watt zor Folje hätt, dat Babys un klein Pänz, in d‘ überfüllte un ungerbesetze Kitas lande.
– In Deutschland jonn d‘ Jeburte stark zöröck, wat och m‘ spüre.
– Leider es d‘ Stadt Kölle nit in d‘ Kondizion, de Mallocherei vun uns KTP aanjemesse zo berappe.
Och dat hätt zor Folge, dat emmer winniger Pänz vun d’r hochwertigen Betreuung, in d‘ kleine Gruppe, nit dovun profitieren künne. Ville Kollege:innen sinn sich jezwunge, ihr Arbeit obzojevve. Besonders för de KTTP’s in anjemeetet Räume is dat hat. Watt vell nit wesse is:
M’r sinn Unternehmer:innen d´ nur teilweise ungerstützt weede. Huhe Meede, Staffel un Indexmeede för jewerbliche Immobilie müsse vun d‘ KTPP üvverwiejend selvs jetrache weede.
Och dat Bild der KTP muss dringend üvverdach un korrigiert weede.
Dat Wertschätzung un Aanererkennung, suwie en aanjemessende Bezahlung, för uns wichtig is, müsse mer nit drüvver schwaade. Denn dat eine is doch klor:
-M’R LIEBEN KINDERTAGESPFLEGE -M’R LEEVE KINDERTAGESPFLEGE.
De Verein Kindertagespflege Köln e.V. setz sich för d Bedürfnisse, Rechte un Ziele vun Eltern, Pänz un KTTPen ein.
Alle aktive Metglieder hann bis jetzt ihreamtlich, vell Stunde un och Eijenkapital e rinnjeschmisse, um dat politische Rückgrat der Kölner Kindertagespflege zo stärke.
Doch su kann dat nit wigger jonn!! Et fehle de finanzielle Meddele, öm en funktionierende Administration opzobooe, jode Öffentlichkeitsarbeit zo leiste un dringend nutwendije Aktionen ömzosetze.
M’r bruchen Üch!
Helft met, de Kölner Kindertagespflege wedder Moot zo maache un vell Kraft zo jevve. Mer freue uns üvver jede Spende, denn jede Spende unterstützt de Pänz, domet och jede Strop de Mööchlichkeit wiggerhin hätt, in Kölle, met ner festen Betreuungsperson in klein Gruppe, de wichtije Fähigkeiten d’r Gemeinschaftsfhigkeiten un Selbstständigkeit zo liere. Ohne Üch un ür Engagement weed de Kindertagespflege in Kölle bahl fott sinn. Un dat darf nit passiere, deswäje helft uns dat zo stoppe. M’r freue uns üvver jede aktive oder och passive Metgliedschaft, ävver och en Spende is jän jesinn.
De Erfahrungen met der Kindertagespflege, dürft ihr uns jän verzälle. Mer sinn för alle Anregungen, Kritik un innovative Ideen, offen. Mer bedanke uns bei üch, för de zahlreiche Unterstützung.
Bankverbindung: Kölner Kindertagespflege e.V.
SSK KölnBonn IBAN: DE11 3705 0198 1958 4155 70